Зьезд беларусаў сьвету пройдзе ў ліпені ў Менску

Паводле рашэньня Малой Рады Згуртаваньня беларусаў сьвету “Бацькаўшчына”, VI зьезд беларусаў сьвету мае адбыцца 23-24 ліпеня ў Менску на тэму “Беларуская нацыя ва ўмовах глабалізацыі: выклікі й магчымасьці”.

Як гаворыцца ў прэс-рэлізе ЗБС, ва ўмовах глябалізацыі «беларускія дыяспары сутыкаюцца й з праблемамі размываньня нацыянальнай ідэнтычнасьці, касмапалітызму значнай часткі новых эмігрантаў, зьмяншэньня цікавасьці да нацыянальнай дзейнасьці сярод моладзі, а таксама з пытаньнем адэкватнага вызначэньня далёкасяжных мэтаў існаваньня беларускіх арганізацыяў».

“ЗБС “Бацькаўшчына” ладзіць зьезды беларусаў сьвету раз на чатыры гады пачынаючы з 1993 года.

дг