Нямецкія пілёты зноў страйкуюць
PR dla Zagranicy
Anna Zadrożna
20.10.2014 11:46
Гэтым разам забастоўка будзе працягвацца 35 гадзінаў.
photo - EPA/MAURITZ ANTIN (arch)
Пасажыры нямецкай авіякампаніі „Lufthansa Group” зноў прымушаны браць пад увагу ўскладненьні, зьвязаныя з чарговым страйкам пілётаў авіялініяў.
Пачатак забастоўкі заплянаваны на 13.00, але ейныя наступствы адчуваліся ўжо раней. Каб пазьбегнуць хаосу на лётнішчах, авіякампанія яшчэ ўчора адклікала частку рэйсаў.
Агулам падчас усяго страйку, які будзе доўжыцца 35 гадзін, будуць адмененыя больш за 1400 рэгулярных рэйсаў.
Гэтым разам страйк закране, галоўным чынам, унутраныя й міжнародныя рэйсы. Міжкантынэнтальныя – будуць праходзіць нармальна.
Сытуацыя павінна ўнармавацца ў сераду раніцай.
Нямецкія пілёты страйкуюць у абарону сваіх пэнсійных прывілеяў.
аз