Праэўрапейскія партыі выйгралі рэгіянальныя выбары ў Малдове
PR dla Zagranicy
Jolanta Śmiałowska
29.06.2015 16:10
У Малдове падведзены вынікі другога тура мясцовых выбараў, якія праходзілі ў 459 населеных пунктах краіны.
У Малдове падведзены вынікі другога тура мясцовых выбараў, якія праходзілі ў 459 населеных пунктах краіны, - паведаміла Цэнтральная выбарчая камісія Малдовы. У большасьці рэгіёнаў перамогу атрымалі праеўрапейскія палітычныя сілы.
Дэмакратычная партыя Малдовы атрымала перамогу ў 140 населеных пунктах, Лібэральна-дэмакратычная партыя - у 104, Партыя камуністаў - у 46. "Нашая партыя" расейскага бізнэсмэна Рэната Вусатага выйграла выбары ў 41 населеным пункце, сам Вусаты яшчэ ў першым туры стаў мэрам ў другім па велічыні горадзе Малдовы - Бельцы, атрымаўшы больш за 70% галасоў выбаршчыкаў.
Віцэ-старшыня Лібэральнай партыі, дзеючы мэр Кішынёва Дорын Кіртоакэ выйграў другі тур выбараў у сталіцы краіны. Ён атрымаў 53,5% галасоў выбаршчыкаў. Кіртоакэ вядомы як прыхільнік эўрапейскай інтэграцыі Малдовы.
Лідэр Партыі сацыялістаў Ігар Далін заявіў, што сацыялісты не прызнаюць вынікаў выбараў з-за шматлікіх парушэньняў. Прадстаўнікі партыі маюць намер дамагацца адмены вынікаў на асобных выбарчых участках або правядзеньня паўторнага галасаваньня.
Урад Малдовы падаў у адстаўку ў поўным складзе.
яс