Украіна забараніла Міхаілу Гарбачову ўезд у краіну на пяць гадоў
PR dla Zagranicy
Valery Sauko
26.05.2016 15:03
Гарбачоў: Я ня ежджу й ня буду езьдзіць ва Ўкраіну й не ўнікаю ва ўсе гэтыя сваркі.
Экс-прэзыдэнт СССР Міхаіл Сяргеевіч Гарбачоў www.youtube.com
Служба бясьпекі Ўкраіны пацьвердзіла забарону былому прэзыдэнту СССР Міхаілу Гарбачову на ўезд у краіну на працягу пяці гадоў.
Раней першы й апошні прэзыдэнт Савецкага Саюзу Міхаіл Гарбачоў сказаў, што “далучэньне Крыму й Севастопаля да Расеі зьяўляецца правільным рашэньнем”.
Пасьля гэтага ва Ўкраіне заявілі пра намер закрыць 85-гадоваму Гарбачову шлях у краіну.
Камэнтуючы гэтую ініцыятыву, экс-прэзыдэнт СССР сказаў, што ня езьдзіць і ня будзе езьдзіць ва Ўкраіну й што не ўнікае "ва ўсе гэтыя сваркі" .
Нагадаем, у Гарбачова маці па нацыянальнысьці была ўкраінкай.
вс