Logo Polskiego Radia
Print

„LOT” плянуе рэгулярныя рэйсы ў Астану

PR dla Zagranicy
Anna Zadrożna 24.08.2016 09:15
Перавозчык хоча, каб рэйсы адбываліся, як мінімум, чатыры разы на тыдзень.
Photo: BriYYZ/wikipedia.org/CC BY-SA 2.0

Польскі нацыянальны авіяперавозчык „LOT” плянуе адкрыць рэгулярны рэйс з Варшавы ў Астану. Пра гэта паведаміў генэральны дырэктар кампаніі Рафал Мільчарскі (Rafał Milczarski). Авіякампанія хоча пасьпець з гэтым да пачатку Сусьветнай выставы „Expo”, якая адбудзецца ў Астане ў будучым годзе.

Падчас Польска-казахскага эканамічнага форуму, які ўчора прайшлоў у Варшаве, кіраўнік „LOT” заявіў, што канчатковае рашэньне па гэтым пытаньні можа быць прынятае да канца гэтага году. Цалкам верагодна, што першыя самалёты адправяцца ў Астану ў траўні 2017 году.

„LOT” хоча, каб рэйсы адбываліся, па меншай меры, чатыры разы на тыдзень. Нагадаем, „Expo” ў Астане будзе працягвацца з 10 чэрвеня па 10 верасьня 2017 году.

аз

Print
Copyright © Polskie Radio S.A Пра нас Кантакт