Лукашэнка занепакоены сытуацыяй у эканоміцы
PR dla Zagranicy
Jury Lichtarowicz
24.08.2016 15:37
Стан эканомікі краіны стаў галоўнай тэмай на сустрэчы беларускага кіраўніка з урадам і Нацбанкам.
Foto: translacja na youtube.com
Аляксандар Лукашэнка азнаёміўся з вынікамі сацыяльна-эканамічнага разьвіцьця Беларусі за мінулы пэрыяд 2016 года, з сытуацыяй на валютным рынку.
Чыноўнікі распавялі пра супрацоўніцтва Беларусі зь міжнароднымі фінансавымі арганізацыямі па канкрэтных пытаньнях, у першую чаргу прыцягненьня інвэстыцый. У іх ліку праект рэканструкцыі аўтадарогі Менск - Горадня, які рэалізуецца сумесна з Сусьветным банкам.
Беларускі кіраўнік загадаў далей усё рабіць так, каб дадзенае супрацоўніцтва не спынялася. Маўляў, яно вельмі выгаднае для Беларусі, асабліва цяпер, у крызысны пэрыяд.
Паводле Белта/юл