Прэм’еры Вышаградзкай групы сустрэнуцца з Ангелай Мэркель
PR dla Zagranicy
Anna Zadrożna
25.08.2016 15:11
Кансультацыі кіраўнікoў урадаў Вышаградзкай групы адбудуцца ў пятніцу, 26 жніўня, у Варшаве.
Bild: wikimedia.org/wiki/Unknown
Кіраўнікі ўрадаў Польшчы, Славаччыны, Чэхіі й Вугоршчыны сустрэнуцца ў пятніцу ў Варшаве з канцлеркай Нямеччыны Ангелай Мэркель.
Апрача таго, прэм'еры Вышаградзкай групы прыбудуць на Эканамічны форум у Крыніцы, паведаміў міністар па эўрапейскіх справах Конрад Шыманьскі (Konrad Szymański).
Кіраўнікі ўрадаў Польшчы, Славаччыны, Чэхіі й Вугоршчыны прымуць удзел у адной з найважнейшых дзелавых сустрэчаў у Цэнтральна-Ўсходняй Эўропе. Нагадаем, форум у Крыніцы (курортным гарадку на поўдні Польшчы) пройдзе з 6 па 8 верасьня.
„Польскае старшынства ў Вышаградзкай групе надзвычай інтэнсіўнае. Гэта будзе ўжо трэцяя сустрэча прэм'ераў у апошні час. Перад ЭЗ важныя рашэньні й мы хочам, каб наш рэгіён гаварыў сваім уласным голасам падчас усіх дэбатаў”- сказаў міністар.
Паводле арганізатараў, у Эканамічным форуме ў Крыніцы агулам прыме ўдзел каля 3 тысяч гасьцей з усяго сьвету.
аз