Беларусь на дне рэйтынга здароўя
PR dla Zagranicy
Jury Lichtarowicz
24.09.2016 13:18
У Беларусі найгоршы паказчык сярод постсавецкіх краін па мэдыцыне.
Foto: pixabay.com
Рэйтынг краін па індыкатарах устойлівага разьвіцьця, зьвязаных з мэдыцынай, жыцьцём і здароўем, быў складзены аўтарытэтным мэдычным часопісам The Lancet.
Сярод крытэраў, якія браліся пад увагу, — дзіцячая сьмяротнасьць, сьмяротнасьць на дарогах, празьмерная вага ў дзяцей, узровень спажываньня алькаголю і тытуню, захворваньне на ВІЧ, на сухоты і гепатыт B, колькасьць самагубстваў. Дадзеныя па кожным крытэры браліся з 1990 па 2015 год.
Першае месца ў рэйтынгу заняла Ісьляндыя. У першую пяцёрку таксама ўваходзяць Сынгапур, Швэцыя і Вялікабрытанія.
Беларусь заняла ў рэйтынгу толькі 120-е месца, найгоршае сярод краін былога СССР. Беларусь апярэдзілі Таджыкістан, Казахстан, Азэрбайджан, Расея ды Ўкраіна.
Найлепшы вынік з краін постсавецкай прасторы мае Эстоніі - 29-е месца.
Паводле tut.by/Наша Ніва/юл