Мацярэвіч: Расейскія правакацыі прымусілі NATO ўзмацніцца
PR dla Zagranicy
Anna Zadrożna
27.10.2016 16:11
Штаб дывізіі ў Эльблёнгу будзе каардынаваць дзейнасьць усіх натаўскіх батальёнаў у Польшчы й краінах Балтыі.
Photo: PAP/EPA/OLIVIER HOSLET
Баявыя групы NATO, разгорнутыя на ўсходнім флянгу альянсу, прызначаныя дзеля абароны й стрымліваньня, пацьвердзілі ў Брусэлі міністры абароны краін-сябраў Паўночнаатлянтычнага альянсу.
Кіраўнік польскага Міністэрства нацыянальнай абароны Антоні Мацярэвіч (Antoni Macierewicz) сказаў, што бачыць зьмену ў стаўленьні сябраў NATO да абароны ўсходняга флянгу.
Антоні Мацярэвіч: Розныя правакацыйныя дзеяньні з боку Расейскай Фэдэрацыі толькі ўмацавалі перакананьне краінаў Паўночнаатлянтычнага альянсу ў тым, што натаўскія сілы ў цэнтральнай і паўднёвай Эўропе павінны быць пастаянныя й гатовыя да неадкладнай баявой рэакцыі.
Антоні Мацярэвіч дадаў, што штаб дывізіі ў горадзе Эльблёнг (Elbląg) будзе каардынаваць дзейнасьць усіх натаўскіх батальёнаў у Польшчы й краінах Балтыі.
аз