На Беласточчыне – сьвята тэатру: трывае фэстываль «Одэ» (ФОТА)
PR dla Zagranicy
Valery Sauko
03.10.2017 15:24
На форуме паказваюць спэктаклі па-беларуску, а таксама на падляскай гаворцы беларускай мовы.
Больш за 10 спэктакляў на беларускай мове ды на падляскім дыялекце беларускай мовы было паказана на 4-м тэатральным фэстывалі «Одэ».
Слова «одэ» на падляскай гаворцы абазначае «тут», «у гэтым месцы».
І таму, паводле арганізатараў фэстывалю, асноўная мэта форуму – паказаць, што тут, на Падляшшы, на Беласточчыне, ёсьць свой тэатар і спэктаклі на беларускай гаворцы.
На гэтым тыдні публіка зможа ўбачыць спэктакль «Рамэа й Джульета» (пераклад на беларускую мову Кандрата Крапівы), адаптаваны да ўмоваў беларускай вёскі ваколіцаў Гайнаўкі, «Шлях да Бэтлеема» Гарадзенскага лялечнага тэатру ды «Мне ня сорамна» Тэатру беларускай драматургіі.
У рамках фэстывалю «Одэ» адбудзецца таксама адзначэньне 30-гадовага юбілею мастацкай працы беларускага драматурга Сяргея Кавалёва.
Ад Беласточчыны выступаюць непрафэсійныя трупы, але яны шмат працуюць і паказваюць спэктаклі на высокім узроўні, гаворыць Яанна Троц з тэатра «Чрэво». Рэпартаж Яраслава Іванюка.
слухайце далучаны гукавы файл
на фота аўтара: спэктакль «Дарожныя прыгоды Віты» тэатра «Казачкі бай!» у Доме праваслаўнай культуры ў Бельску Падляскім.