Logo Polskiego Radia
Print

IV Беларускі праваабарончы форум прыняў рэзалюцыю аб сытуацыі з правамі чалавека

PR dla Zagranicy
Alena Vialichka 21.10.2017 10:32
З 2013 году ў краіне назіраюцца пэўныя пазытыўныя крокі ў галіне правоў чалавека, аднак у цэлым сытуацыя істотна не зьмянілася.
photo: Вясна

У ёй адзначаецца, што з моманту правядзеньня папярэдняга Беларускага праваабарончага форуму ў кастрычніку 2013 г. у краіне назіраюцца пэўныя пазытыўныя крокі ў галіне правоў чалавека, аднак у цэлым сытуацыя істотна не зьмянілася.

Праваабаронцы адзначаюцца, што не прымаюцца меры, накіраваныя на сыстэмныя і якасныя паляпшэньні сытуацыі з правамі чалавека.

Вызваленьне ўладамі Беларусі ўсіх палітычных зьняволеных у жніўні 2015 года зьявілася станоўчым дзеяньнем з боку беларускіх уладаў. Пачынаючы з гэтага часу і да сакавіка 2017 года ўлады Беларусі не ўжывалі жорсткія рэпрэсіі ў дачыненьні да палітычных апанэнтаў, актывістаў грамадзянскай супольнасьці і журналістаў.

Пагаршэньне эканамічнай сытуацыі і шырокае прымяненьне Дэкрэта №3 «Аб папярэджаньні сацыяльнага ўтрыманства» прывялі да росту пратэстнай актыўнасьці грамадзян вясной 2017 года. У якасьці рэакцыі на гэта, улады вярнуліся да прымяненьня шырокіх рэпрэсіўных практык.

У месцах пазбаўленьня волі працягваюць знаходзіцца Міхаіл Жамчужны і Дзьмітры Паліенка, прызнаныя палітвязьнямі беларускай і міжнароднай праваабарончай супольнасьцю. Праваабаронца Алена Танкачова вымушана знаходзіцца за межамі Рэспублікі Беларусь у сувязі з рашэньнем беларускіх уладаў аб яе высылцы.

Узбуджаны крымінальныя справы ў адносінах да лідараў незалежнага прафсаюза РЭП Генадзя Фядыніча і Ігара Комліка па абвінавачваньні ва ўхіленьні ад сплаты падаткаў, а таксама ў дачыненьні да 16 грамадзян па абвінавачваньні ў арганізацыі незаконнага ўзброенага фарміраваньня.

З поўным зьместам рэзалюцыі можна пазнаёміцца на сайце ПЦ «Вясна».

Вясна/ав

Print
Copyright © Polskie Radio S.A Пра нас Кантакт