Выйшла кніга пра беларускую «жалезную дывізію» Войска Польскага

Вядомы беларускі гісторык, кандыдат гістарычных навук Ігар Мельнікаў закончыў працу над новай кнігай – на днях яна выйшла на польскай мове ў сэрыі «Вялікая кніга польскай пяхоты».

У выданьні дасьледчык распавядае гісторыю 20-й пяхотнай дывізіі Войска Польскага, якую называлі беларускай. Штаб дывізіі знаходзіўся ў Баранавічах, а яе часьці – у розных гарадах рэгіёну.

У кнізе таксама прадстаўленая постаць камандзіра 79-га палка слонімскіх стралкоў імя Льва Сапегі палкоўніка Канстанціна Забароўскага, які, дарэчы, да гэтага быў вайсковым аташэ ў Маскве.

Часьць гераічна змагалася пад Млавай у 1939 годзе зь гітлераўцамі, за што немцы яе назвалі «жалезнай дывізіяй». Дарэчы, раней у інтэрвію Ігар Мельнікаў нам казаў, што «польскія афіцэры дывізіі згадвалі беларусаў як сапраўдных герояў».

Зь Ігарам Мельнікавым пра яго апошні гістарычны праект і пляны на будучыню размаўляе Валеры Саўко.

інтэрвію зь гісторыкам – слухайце далучаны гукавы файл

на фота: фрагмэнт вокладкі (зьверху) і вокладка кнігі