Аўтобусная кампанія PolskiBus зьнікне з рынку перавозчыкаў

Яе заменіць нямецкі перавозчык FlixBus. Чырвоныя аўтобусы "польскага буса" зьменяць колер на зялёны. Новы перавозчык заявіў, што ўсе набытыя квіткі ў кампаніі PolskiBus будуць рэалізоўвацца на ўсіх маршрутах. «Пасажыры не павінны прымаць ніякіх захадаў па гэтаму пытаньню», – абяцаў дырэктар польскай кампаніі Міхал Леман.

На працягу першых тыдняў наступнага году рэйсы будуць абслугоўваць аўтобусы пад брэндам PolskiBus. Затым на прыпынках зьявяцца аўтобусы з новай маркіроўкай FlixBus.

Новы ўладальнік рыхтуе новую інтэрнэт-плятформу па продажу квіткоў. Яна запрацуе прыкладна праз шэсьць месяцаў. Па заканчэньні гэтага часу, калі нехта напіша ў адрасны вышук "PolskiBus", будзе перанакіраваны на сайт новай кампаніі.

Нямецкі перавозчык дзейнічае ў шэрагу эўрапейскіх краін, а таксама ў Злучаных Штатах Амэрыкі. Пагадненьне з уладальнікам "польскага буса" дало магчымасьць уваходу на польскі рынак.

FlixBus абяцае новыя, карысныя для пасажыраў маршруты па Польшчы і міжнародныя рэйсы.

Меншыя аўтобусныя кампаніі, якія супрацоўнічалі з кампаніяй PolskiBus, змогуць працягнуць супрацоўніцтва з новым нямецкім перавозчыкам.

яс