Трамп просіць Кангрэс $6,5 млрд на дзейнасьць супраць агрэсіі Расеі
PR dla Zagranicy
Jolanta Śmiałowska
13.02.2018 15:46
У праекце бюджэту на 2019 г. прэзыдэнт Злучаных Штатаў прадугледжвае на гэтую мэту $6,5 млрд.
Wikipedia/Gage Skidmore/CC BY-SA 2.0
Дональд Трамп просіць Кангрэс значна павялічыць сродкі для ўсходняга флянгу NATO, якія будуць прызначаныя на дзейнасьць супраць агрэсіі Расеі. У праекце бюджэту на 2019 г. прэзыдэнт Злучаных Штатаў прадугледжвае на гэтую мэту $6,5 млрд. Гэта на траціну больш чым цяпер.
«Мы хочам павелічыць прысутнасьць сухапутных сіл і ўдасканаліць сумесныя баявыя магчымасьці саюзьнікаў», – гаворыцца ў паведамленьні міністэрства абароны ЗША.
Бюджэт таксама ўключае $200 млн на кансалтынг, навучаньне і аснашчэньне ўкраінскай арміі.
Злучаныя Штаты пачалі разьмяшчаць свае войскі ва Ўсходняй Эўропе пасьля анэксіі Крыма і расейскага ўмяшальніцтва ва Ўкраіне. Мэта ініцыятывы - павышэньне пачуцьця бясьпекі Польшчы і іншых саюзьнікаў ЗША.
яс