Вялікабрытанія хоча больш жорсткіх санкцый супраць Расеі
PR dla Zagranicy
Jolanta Śmiałowska
13.06.2018 16:06
Тэрэза Мэй паведаміла аб гэтым падчас штотыднёвай сэсіі пытаньняў і адказаў у Палаце абшчын.
Прэм'ер Вялікабрытаніі Тэрэза Мэй (злева)Aliaksandr Papko/radyjo.net
Вялікабрытанія не саступае. Прэм'ер-міністар Тэрэза Мэй хоча больш жорсткіх санкцый супраць Расеі.
Прэмʼер-міністар Тэрэза Мэй сказала сёньня, што Вялікабрытанія будзе настойваць на наступным саміце ЭЗ, каб захаваць, а ў некаторых абшарах зрабіць нават больш жорсткімі, санкцыі супраць Расеі.
Кіраўнік брытанскага ўраду паведаміла аб гэтым падчас штотыднёвай сэсіі пытаньняў і адказаў у Палаце абшчын. Бліжэйшы саміт ЭЗ адбудзецца ў Брусэлі 28-29 чэрвеня.
Злучанае Каралеўства па-ранейшаму лічыць, што Масква нясе адказнасьць за замах на жыцьцё былога афіцэра расейскай выведкі Сяргея Скрыпаля .
Замах быў зьдзейсьнены 4 сакавіка. Паводле Тэрэзы Мэй, «няма іншай высновы, чым тая, што расейская дзяржава нясе адказнасьць за тое, што адбылося на вуліцах Солсбэры». Расея рашуча адхіляе гэтыя абвінавачаньні.
яс/niezalezna.pl