Чапутовіч: толькі ЗША дадуць Польшчы гарантыю бясьпекі
Кіраўнік польскай дыпляматыі: Для Польшчы й краінаў Балтыі пагрозай зьяўляецца агрэсіўная палітыка Расеі.
Кіраўнік польскай дыпляматыі лічыць, што толькі Злучаныя Штаты Амэрыкі дадуць гарантыю бясьпекі краінам на ўсходнім флянгу NATO, у тым ліку Польшчы. Яцэк Чапутовіч (Jacek Czaputowicz) казаў пра гэта падчас панэльнай дыскусіі пра будучыню NATO, якая адбылася пры нагодзе саміту альянсу ў Брусэлі.
Міністар замежных спраў Польшчы адзначыў, што членскія краіны альянсу па рознаму ставяцца да пытаньня пагрозаў. Напрыклад, для Польшчы й краінаў Балтыі пагрозай зьяўляецца агрэсіўная палітыка Расеі.
Яцэк Чапутовіч заявіў таксама, што цяпер NATO праходзіць трансфармацыю, а Польшча выступае за ўмацаваньне адзінства альянсу з мэтай супрацьдзеяньня пагрозам з боку Расеі.
„Расея апошнім часам шматразова парушала міжнароднае права, у тым ліку анэксуючы Крым й нападаючы на Ўкраіну”, - заявіў Яцэк Чапутовіч камэнтуючы супраціў, які Масква выказвае наконт плянаў стварэньня ваенных базаў на ўсходнім флянгу NATO. Нагадаем, Расея заяўляе, што гэта парушыць міжнародныя пагадненьні.
аз
Кіраўнік польскай дыпляматыі лічыць, што толькі Злучаныя Штаты Амэрыкі дадуць гарантыю бясьпекі краінам на ўсходнім флянгу NATO, у тым ліку Польшчы. Яцэк Чапутовіч (Jacek Czaputowicz) казаў пра гэта падчас панэльнай дыскусіі пра будучыню NATO, якая адбылася пры нагодзе саміту альянсу ў Брусэлі.
Міністар замежных спраў Польшчы адзначыў, што членскія краіны альянсу па рознаму ставяцца да пытаньня пагрозаў. Напрыклад, для Польшчы й краінаў Балтыі пагрозай зьяўляецца агрэсіўная палітыка Расеі.
Яцэк Чапутовіч заявіў таксама, што цяпер NATO праходзіць трансфармацыю, а Польшча выступае за ўмацаваньне адзінства альянсу з мэтай супрацьдзеяньня пагрозам з боку Расеі.
„Расея апошнім часам шматразова парушала міжнароднае права, у тым ліку анэксуючы Крым й нападаючы на Ўкраіну”, - заявіў Яцэк Чапутовіч камэнтуючы супраціў, які Масква выказвае наконт плянаў стварэньня ваенных базаў на ўсходнім флянгу NATO. Нагадаем, Расея заяўляе, што гэта парушыць міжнародныя пагадненьні.
аз