У Лёндане здарыўся інцыдэнт перад парлямэнтам

Узброеныя паліцыянты арыштавалі чарнаскурага кіроўцу пасьля таго, як яго аўтамабіль урэзаўся ў барʼер перад парлямэнтам Вялікабрытаніі. Паводле словаў відавочцаў, паліцэйскія падбеглі ды імгненна выцягнулі кіроўцу з аўто.

Паліцыя пакуль ня можа сказаць, ці зьвязаны інцыдэнт з тэрарызмам. Паведамляецца толькі, што некалькі мінакоў атрымалі траўмы, але іх жыцьцю нічога не пагражае. Інцыдэнт меў месца падчас ранішняй гадзіны пік.

У якасьці меры засьцярогі, зачыненыя бліжэйшыя вуліцы й станцыя мэтро Вэстмінстэр.

На тэрыторыі краіны ўведзены рэжым высокай верагоднасьці тэрарыстычнай атакі. Брытанскі парлямэнт не праводзіць паседжаньніяў, аднаўленьне працы дэпутатаў заплянавана на 4 верасьня.

ПР/юл