Logo Polskiego Radia
Print

У Менску выступіла вядомейшая польская джаз-сьпявачка (ВІДЭА)

PR dla Zagranicy
Valery Sauko 21.11.2018 18:02
  • Дарота Міськевіч.mp3
«...Я думала, на якой мове зьвяртацца да публікі (...), але вырашыла гаварыць па-польску, бо падумала, што беларусы зразумеюць мову сваіх суседзяў».
Дарота МіськевічДарота Міськевічyoutube.com/screen

У Менску адбыўся незвычайны канцэрт: музычнае мерапрыемства з удзелам зорак польскай джаз-музыкі было прымеркаванае да 100-годзьдзя незалежнасьці Польшчы. Арганізатарамі сустрэчы беларускіх аматараў джазу з польскай музыкай сталі Польскі інстытут у Менску й Амбасада Польшчы ў Беларусі.
На сцэне Беларускай дзяржаўнай філярмоніі выступіла вядомая польская джаз-сьпявачка Дарота Міськевіч разам са струнным квартэт Atom String Quartet і піяністам Дамінікам Ваням. Увогуле, польскі джаз цэніцца ва ўсёй Эўропе, у тым ліку і ў Беларусі, а польскія джаз-музыканты ня раз выступалі ў беларускай сталіцы й іншых гарадах краіны, перш за ўсё па запрашэньню Польскага інстытуту ў Менску.
Пасьля канцэрту Дарота Міськевіч сказала, што яна была шчасьлівая на сцэне ў Менску й што ёй удалося ўсталяваць кантакт зь беларускай публікай.
Дарота Міськевіч: Я была шчасьлівая, што змагла выступіць перад гледачамі, якія, як мне здаецца, мяне й маю творчасьць раней ня ведалі. Нягледзячы на гэта, людзі былі задаволеныя, ім, як мне здалося, спадабалася. Таму я рада, што прыехала ў Менск і выступіла перад беларускай публікай з творамі польскіх кампазытараў. І асабліва важна тое, што гэты канцэрт адбыўся на 100-годзьдзе незалежнасьці – на юбілей вельмі важнай для палякаў даты.
Я таксама задаволеная тым, што менскім слухачам удалося паказаць творчасьць аднаго з нашых таленавітых і найлепшых піяністаў Дамініка Ваня й Atom String Quartet. Струнных квартэтаў, якія выконваюць джаз на такім высокім узроўні, у сьвеце няшмат, таму і тут ёсьць плюс, што іх творчасьць мы паказалі ў Менску. Дарэчы, я рада, што магу працаваць з такімі таленавітымі музыкантамі.
Перад канцэртам я думала, на якой мове зьвяртацца да публікі – па-польску ці па-ангельску. Але вырашыла гаварыць па-польску, бо падумала, што беларусы зразумеюць мову сваіх суседзяў. І я не памылілася – мне ўдалося ўсталяваць кантакт са слухачамі, бо мне заўсёды падабаецца мець яго з публікай.
Дырэктар Польскага інстытуту ў Менску Цэзары Карпіньскі сказаў, што канцэрт у беларускай сталіцы – гэта частка буйнога музычнага праекту пад назвай piano.pl, мэта якога – папулярызацыя польскай джаз-музыкі.
Цэзары Карпіньскі: Канцэрт джаз-музыкі ў Менску прайшоў з нагоды 100-годзьдзя незалежнасьці Польшчы і ў рамках вялікага праекту piano.pl. І сёньня мы бачылі, як Дарота Міськевіч у суправаджэньні іншых музыкантаў прадставіла беларускай публіцы частку гэтага праекту. Мы рады, што ўдалося арганізаваць гэты канцэрт. Публіка задаволеная, пра што сьведчыць яе рэакцыя, артысты – таксама. А беларускія аматары польскай джаз-музыкі атрымалі чарговую магчымасьць, каб сустрэцца з польскімі выканаўцамі.
На канцэрце таксама прысутнічаў вядомы беларускі музычны крытык Зьміцер Падбярэзкі. Ён сказаў Польскаму радыё, што польскі джаз – гэта перш за ўсё высокая якасьць і арыгінальнасьць.
Зьміцер Падбярэзкі: Канцэрт удаўся на славу! Я лічу, што ў апошнія гады польскія джаз-музыканты, якія прыяжджаюць на выступы ў Беларусь, дэманструюць вельмі высокі ўзровень, гэта свайго роду музычны знак якасьці. І што мяне прыемна зьдзіўляе, дык гэта тое, што кожны гурт – гэта ўласная музыка, а не выкананьне чужых песень.
Дарота Міськевіч (1973 г.н.) – вядомая польская джаз-сьпявачка, скрыпачка ды кампазытар. Паходзіць з музычнай сям’і: яе бацька Генрык Міськевіч – вядомы польскі джаз-саксафаніст, а брат Міхал – вядомы джаз-ударнік.
З джаз-музыкай Дарота Міськевіч зьвязаная практычна з самага дзяцінства. Яна – выпускніца Варшаўскага музычнага ўнівэрсытэту імя Фрыдэрыка Шапэна. Выступала й запісвала зь вядомейшымі польскімі й сусьветнымі артыстамі, у тым ліку з Найджэлам Кэнэдзі, Цэзарыяй Эварай, Аннай Марыяй Ёпэк, Эвай Бэм.
Выдала каля 10 дыскаў, выступіла з сотнямі канцэртаў у Польшчы й за мяжой, ляўрэатка шматлікіх прэстыжных узнагарод.
Уладзімір Пац, Валеры Саўко

У Менску адбыўся незвычайны канцэрт: музычнае мерапрыемства з удзелам зорак польскай джаз-музыкі было прымеркаванае да 100-годзьдзя незалежнасьці Польшчы. Арганізатарамі сустрэчы беларускіх аматараў джазу з польскай музыкай сталі Польскі інстытут у Менску й Амбасада Польшчы ў Беларусі.

На сцэне Беларускай дзяржаўнай філярмоніі выступіла вядомая польская джаз-сьпявачка Дарота Міськевіч разам са струнным квартэт Atom String Quartet і піяністам Дамінікам Ваням. Увогуле, польскі джаз цэніцца ва ўсёй Эўропе, у тым ліку і ў Беларусі, а польскія джаз-музыканты ня раз выступалі ў беларускай сталіцы й іншых гарадах краіны, перш за ўсё па запрашэньню Польскага інстытуту ў Менску.

Пасьля канцэрту Дарота Міськевіч сказала, што яна была шчасьлівая на сцэне ў Менску й што ёй удалося ўсталяваць кантакт зь беларускай публікай.

Дарота Міськевіч: Я была шчасьлівая, што змагла выступіць перад гледачамі, якія, як мне здаецца, мяне й маю творчасьць раней ня ведалі. Нягледзячы на гэта, людзі былі задаволеныя, ім, як мне здалося, спадабалася. Таму я рада, што прыехала ў Менск і выступіла перад беларускай публікай з творамі польскіх кампазытараў. І асабліва важна тое, што гэты канцэрт адбыўся на 100-годзьдзе незалежнасьці – на юбілей вельмі важнай для палякаў даты.

Я таксама задаволеная тым, што менскім слухачам удалося паказаць творчасьць аднаго з нашых таленавітых і найлепшых піяністаў Дамініка Ваня й Atom String Quartet. Струнных квартэтаў, якія выконваюць джаз на такім высокім узроўні, у сьвеце няшмат, таму і тут ёсьць плюс, што іх творчасьць мы паказалі ў Менску. Дарэчы, я рада, што магу працаваць з такімі таленавітымі музыкантамі.

Перад канцэртам я думала, на якой мове зьвяртацца да публікі – па-польску ці па-ангельску. Але вырашыла гаварыць па-польску, бо падумала, што беларусы зразумеюць мову сваіх суседзяў. І я не памылілася – мне ўдалося ўсталяваць кантакт са слухачамі, бо мне заўсёды падабаецца мець яго з публікай.

Дырэктар Польскага інстытуту ў Менску Цэзары Карпіньскі сказаў, што канцэрт у беларускай сталіцы – гэта частка буйнога музычнага праекту пад назвай piano.pl, мэта якога – папулярызацыя польскай джаз-музыкі.

Цэзары Карпіньскі: Канцэрт джаз-музыкі ў Менску прайшоў з нагоды 100-годзьдзя незалежнасьці Польшчы і ў рамках вялікага праекту piano.pl. І сёньня мы бачылі, як Дарота Міськевіч у суправаджэньні іншых музыкантаў прадставіла беларускай публіцы частку гэтага праекту. Мы рады, што ўдалося арганізаваць гэты канцэрт. Публіка задаволеная, пра што сьведчыць яе рэакцыя, артысты – таксама. А беларускія аматары польскай джаз-музыкі атрымалі чарговую магчымасьць, каб сустрэцца з польскімі выканаўцамі.

На канцэрце таксама прысутнічаў вядомы беларускі музычны крытык Зьміцер Падбярэзкі. Ён сказаў Польскаму радыё, што польскі джаз – гэта перш за ўсё высокая якасьць і арыгінальнасьць.

Зьміцер Падбярэзкі: Канцэрт удаўся на славу! Я лічу, што ў апошнія гады польскія джаз-музыканты, якія прыяжджаюць на выступы ў Беларусь, дэманструюць вельмі высокі ўзровень, гэта свайго роду музычны знак якасьці. І што мяне прыемна зьдзіўляе, дык гэта тое, што кожны гурт – гэта ўласная музыка, а не выкананьне чужых песень.

Дарота Міськевіч (1973 г.н.) – вядомая польская джаз-сьпявачка, скрыпачка ды кампазытар. Паходзіць з музычнай сям’і: яе бацька Генрык Міськевіч – вядомы польскі джаз-саксафаніст, а брат Міхал – вядомы джаз-ударнік.

З джаз-музыкай Дарота Міськевіч зьвязаная практычна з самага дзяцінства. Яна – выпускніца Варшаўскага музычнага ўнівэрсытэту імя Фрыдэрыка Шапэна. Выступала й запісвала зь вядомейшымі польскімі й сусьветнымі артыстамі, у тым ліку з Найджэлам Кэнэдзі, Цэзарыяй Эварай, Аннай Марыяй Ёпэк, Эвай Бэм.

Выдала каля 10 дыскаў, выступіла з сотнямі канцэртаў у Польшчы й за мяжой, ляўрэатка шматлікіх прэстыжных узнагарод.

Уладзімір Пац, Валеры Саўко

слухайце далучаны гукавы файл

Print
Copyright © Polskie Radio S.A Пра нас Кантакт