МЗС Польшчы: Санкцыі супраць Расеі павінны быць уведзеныя
„Кіеў мае ўсе падставы патрабаваць у Эўразьвязу, NATO, і ААН больш рашучай рэакцыі на расейскую агрэсію”.
Міністар замежных спраў Польшчы Яцэк Чапутовіч (Jacek Czaputowicz) выказваецца за ўвядзеньне санкцый супраць Расеі. Кіраўнік польскай дыпляматыі знаходзіцца зь візытам ва Ўкраіне. З прадстаўнікамі ўкраінскіх уладаў ён будзе размаўляць, між іншым, пра крызіс у Керчанскім праліве.
Яцэк Чапутовіч дадаў, што па гэтай справе Польшча будзе абараняць інтарэсы Ўкраіны, паколькі яны супадаюць з польскімі інтарэсамі.
Паводле міністра, Кіеў мае ўсе падставы патрабаваць у Эўразьвязу, NATO, і ААН больш рашучай рэакцыі на расейскую агрэсію.
„Польшча лічыць, што гэтыя санкцыі (санкцыі супраць Расеі – рэд.) павінны быць уведзеныя”, - сказаў Яцэк Чапутовіч.
Ва Ўкраіне кіраўнік МЗС Польшчы будзе размаўляць таксама пра складаныя пытаньні ў польска-украінскіх адносінах, у тым ліку пра эксгумацыю ахвяр Валынскай разьні. Аднак, як падкрэсьліў міністар, гэтыя справы не павінны прычыняцца да адкрытага канфлікту, паколькі прыярытэтам Польшчы павінна быць „падтрымка тэрытарыяльнай цэласнасьці Ўкраіны”.
аз
Міністар замежных спраў Польшчы Яцэк Чапутовіч (Jacek Czaputowicz) выказваецца за ўвядзеньне санкцый супраць Расеі. Кіраўнік польскай дыпляматыі знаходзіцца зь візытам ва Ўкраіне. З прадстаўнікамі ўкраінскіх уладаў ён будзе размаўляць, між іншым, пра крызіс у Керчанскім праліве.
Яцэк Чапутовіч дадаў, што па гэтай справе Польшча будзе абараняць інтарэсы Ўкраіны, паколькі яны супадаюць з польскімі інтарэсамі.
Паводле міністра, Кіеў мае ўсе падставы патрабаваць у Эўразьвязу, NATO, і ААН больш рашучай рэакцыі на расейскую агрэсію.
„Польшча лічыць, што гэтыя санкцыі (санкцыі супраць Расеі – рэд.) павінны быць уведзеныя”, - сказаў Яцэк Чапутовіч.
Ва Ўкраіне кіраўнік МЗС Польшчы будзе размаўляць таксама пра складаныя пытаньні ў польска-украінскіх адносінах, у тым ліку пра эксгумацыю ахвяр Валынскай разьні. Аднак, як падкрэсьліў міністар, гэтыя справы не павінны прычыняцца да адкрытага канфлікту, паколькі прыярытэтам Польшчы павінна быць „падтрымка тэрытарыяльнай цэласнасьці Ўкраіны”.
аз