Польскія настаўнікі не выключаюць, што прыступяць да забастоўкі. У выніку перамоў паміж прадстаўнікамі прафсаюзаў пэдагогаў і міністрам адукацыі Польшчы паразуменьне дасягнутае не было. Асноўнае патрабаваньне настаўнікаў мае фінансавы характар.
У польскай мове ёсьць прымаўка, што калі невядома, у чым справа, то справа – у грашах. З польскімі настаўнікамі вядома – справа напэўна ў грашах: пэдагогі проста патрабуюць павышэньня зарплатаў. Міністэрства нацыянальнай адукацыі Польшчы ў асобе кіраўніка ведамства Анны Залеўскай прапануе рост зарплат на 120-160 злотых (28-37 эўра). Мінадукацыі зьяўляецца прыхільнікам паступовага росту зарплат і нагадвае, што прапанова наконт дадзенай квоты – гэта другі транш павышэньня заробкаў, бо першы ўжо быў. З прапановай ведамства не згаджаюцца прафсаюзы пэдагогаў, у тым ліку найбуйнейшы Саюз польскіх настаўнікаў. Яны патрабуюць, каб пачынаючы са студзеня бягучага году рост зарплат склаў 1 тыс. злотых (233 эўра) на стаўку, прычым незалежна ад катэгорыі настаўніка.
Міністар нацыянальнай адукацыі Анна Залеўска глядзіць на перамовы з аптымізмам, хоць падчас іх і не было дасягнутае паразуменьне.
Анна Залеўска: Мы спынілі перамовы, але дамовіліся, што сустрэнемся ў іншы раз. Такім чынам, існуе шанц, што нам удасца дасягнуць кампраміс. Прафсаюзы заявілі, што на нашы прапановы адкажуць да серады. Я спадзяюся, што ў першых днях лютага нам удасца падпісаць дакумэнты, каб урад мог прыняць адпаведныя пастановы.
У адрозьненьні ад міністар Залеўскай аптымістамі не зьяўляюцца прафсаюзы, якія прадстаўляюць інтарэсы настаўнікаў. Старшыня Саюзу польскіх настаўнікаў Славамір Броняж сказаў журналістам пасьля перамоў, што пэдагогі не пачулі адказаў на свае пытаньні й прапановы.
Славамір Броняж: Міністэрства не прадставіла нам ніякай прапановы – яны стараліся нас пераканаць у тым, што за зарплаты адказвае ня ведамства, а муніцыпальныя ўлады. Акрамя таго, спадарыня міністар старалася нас пераканаць адкласьці свае патрабаваньні й тэму зарплат цяпер не закранаць. Скажу шчыра: выказваньні спадарыні міністар былі прыкладам пустаслоўя.
Славамір Броняж таксама зазначыў, што ў выпадку, калі Мінадукацыі ня зьменіць сваёй пазыцыі па росту зарплат, Саюз польскіх настаўнікаў ды іншыя прафсаюзы рагледзяць магчымасьць генэральнай забастоўкі, а ў якасьці патэнцыйнага тэрміну разглядаецца пэрыяд экзаменаў, у тым ліку й час экзаменаў на атэстат сталасьці.
Некалькі слоў пра сыстэму сярэдняй адукацыі ў Польшчы. У краіне сярэдняя адукацыя мае двухступенную формулу – васьмігадовая базавая школа й трохгадовы ліцэй. Рэформа адукацыі была праведзеная ў 2018 годзе – да гэтага часу ў краіне працавала трохступенная формула: гімназія, базавая школа й ліцэй. У наступным годзе замест трохгадовага ліцэя будзе ўведзены чатырохгадовы.
Пачынаючы з 2000 году ў Польшчы існуюць чатыры катэгорыі настаўнікаў. Гэта, у свабодным перакладзе, настаўнік-стажор, кантрактны настаўнік, прызначаны настаўнік й дыплёмны настаўнік.
А колькі зарабляюць у Польшчы настаўнікі? Залежыць, зразумела, ад катэгорыі, школы ды іншых чыньнікаў. «Мы зарабляем ад 1750 да 2800 злотых «на рукі», – сказаў журналістам учора адзін з настаўнікаў. У пераводзе са злотых гэта дае ад 407 да 652 эўра.
У сваю чаргу Мінадукацыі паведаміла, што стажор зарабляе «на рукі» 2087 злотых (486 эўра), кантракты – 2309 злотых (538 эўра), прызначаны – 2976 злотых (693 эўра) і дыплёмны – 3784 злотыя (882 эўра). Ня ўсе настаўнікі згаджаюцца зь лічбамі Мінадукацыі – многія сьцьвярджаюць, што такіх грошай ніколі ў жыцьці ня бачылі.
Дарэчы, каб быць настаўнікам у Польшчы трэба мець тытул бакалаўра альбо магістра з пэдагагічнай падрыхтоўкай альбо без пэдагагічнай. Пры гэтым настаўнікі з пэдагагічнай падрыхтоўкай зарабляюць больш.
І яшчэ некалькі слоў пра Саюз польскіх настаўнікаў. Гэта найстарэйшы ў Польшчы прафсаюз пэдагогаў, заснаваны ажно ў 1905 годзе. Ён аб’ядноўвае пэдагогаў і выкладчыкаў сярэдніх, сярэднеспэцыяльных і вышэйшых устаноў адукацыі.
Польскія настаўнікі не выключаюць, што прыступяць да забастоўкі. У выніку перамоў паміж прадстаўнікамі прафсаюзаў пэдагогаў і міністрам адукацыі Польшчы паразуменьне дасягнутае не было. Асноўнае патрабаваньне настаўнікаў мае фінансавы характар.
У польскай мове ёсьць прымаўка, што калі невядома, у чым справа, то справа – у грашах. З польскімі настаўнікамі вядома – справа напэўна ў грашах: пэдагогі проста патрабуюць павышэньня зарплатаў. Міністэрства нацыянальнай адукацыі Польшчы ў асобе кіраўніка ведамства Анны Залеўскай прапануе рост зарплат на 120-160 злотых (28-37 эўра). Мінадукацыі зьяўляецца прыхільнікам паступовага росту зарплат і нагадвае, што прапанова наконт дадзенай квоты – гэта другі транш павышэньня заробкаў, бо першы ўжо быў. З прапановай ведамства не згаджаюцца прафсаюзы пэдагогаў, у тым ліку найбуйнейшы Саюз польскіх настаўнікаў. Яны патрабуюць, каб пачынаючы са студзеня бягучага году рост зарплат склаў 1 тыс. злотых (233 эўра) на стаўку, прычым незалежна ад катэгорыі настаўніка.
Міністар нацыянальнай адукацыі Анна Залеўска глядзіць на перамовы з аптымізмам, хоць падчас іх і не было дасягнутае паразуменьне.
Анна Залеўска: Мы спынілі перамовы, але дамовіліся, што сустрэнемся ў іншы раз. Такім чынам, існуе шанц, што нам удасца дасягнуць кампраміс. Прафсаюзы заявілі, што на нашы прапановы адкажуць да серады. Я спадзяюся, што ў першых днях лютага нам удасца падпісаць дакумэнты, каб урад мог прыняць адпаведныя пастановы.
У адрозьненьні ад міністар Залеўскай аптымістамі не зьяўляюцца прафсаюзы, якія прадстаўляюць інтарэсы настаўнікаў. Старшыня Саюзу польскіх настаўнікаў Славамір Броняж сказаў журналістам пасьля перамоў, што пэдагогі не пачулі адказаў на свае пытаньні й прапановы.
Славамір Броняж: Міністэрства не прадставіла нам ніякай прапановы – яны стараліся нас пераканаць у тым, што за зарплаты адказвае ня ведамства, а муніцыпальныя ўлады. Акрамя таго, спадарыня міністар старалася нас пераканаць адкласьці свае патрабаваньні й тэму зарплат цяпер не закранаць. Скажу шчыра: выказваньні спадарыні міністар былі прыкладам пустаслоўя.
Славамір Броняж таксама зазначыў, што ў выпадку, калі Мінадукацыі ня зьменіць сваёй пазыцыі па росту зарплат, Саюз польскіх настаўнікаў ды іншыя прафсаюзы рагледзяць магчымасьць генэральнай забастоўкі, а ў якасьці патэнцыйнага тэрміну разглядаецца пэрыяд экзаменаў, у тым ліку й час экзаменаў на атэстат сталасьці.
Некалькі слоў пра сыстэму сярэдняй адукацыі ў Польшчы. У краіне сярэдняя адукацыя мае двухступенную формулу – васьмігадовая базавая школа й трохгадовы ліцэй. Рэформа адукацыі была праведзеная ў 2017 годзе – да гэтага часу ў краіне працавала трохступенная формула: гімназія, базавая школа й ліцэй. У наступным годзе замест трохгадовага ліцэя будзе ўведзены чатырохгадовы.
Пачынаючы з 2000 году ў Польшчы існуюць чатыры катэгорыі настаўнікаў. Гэта, у свабодным перакладзе, настаўнік-стажор, кантрактны настаўнік, прызначаны настаўнік й дыплёмны настаўнік.
А колькі зарабляюць у Польшчы настаўнікі? Залежыць, зразумела, ад катэгорыі, школы ды іншых чыньнікаў. «Мы зарабляем ад 1750 да 2800 злотых «на рукі», – сказаў журналістам учора адзін з настаўнікаў. У пераводзе са злотых гэта дае ад 407 да 652 эўра.
У сваю чаргу Мінадукацыі паведаміла, што стажор зарабляе «на рукі» 2087 злотых (486 эўра), кантракты – 2309 злотых (538 эўра), прызначаны – 2976 злотых (693 эўра) і дыплёмны – 3784 злотыя (882 эўра). Ня ўсе настаўнікі згаджаюцца зь лічбамі Мінадукацыі – многія сьцьвярджаюць, што такіх грошай ніколі ў жыцьці ня бачылі.
Дарэчы, каб быць настаўнікам у Польшчы трэба мець тытул бакалаўра альбо магістра з пэдагагічнай падрыхтоўкай альбо без пэдагагічнай. Пры гэтым настаўнікі з пэдагагічнай падрыхтоўкай зарабляюць больш.
І яшчэ некалькі слоў пра Саюз польскіх настаўнікаў. Гэта найстарэйшы ў Польшчы прафсаюз пэдагогаў, заснаваны ажно ў 1905 годзе. Ён аб’ядноўвае пэдагогаў і выкладчыкаў сярэдніх, сярэднеспэцыяльных і вышэйшых устаноў адукацыі.
вс