Logo Polskiego Radia
Print

Дуда: Эўразьвяз зьмяніў Польшчу

PR dla Zagranicy
Viktar Korbut 01.05.2019 12:09
У Польшчы адзначаюць 15-годзьдзе ўступленьня краіны ў Эўрапейскі зьвяз.
Анджэй ДудаАнджэй ДудаФота: PAP/Jakub Kaczmarczyk

15 гадоў таму — 1 траўня 2004 года — Польшча і дзевяць іншых краін ўступілі ў Эўрапейскі зьвяз. Колькасьць краін ЭЗ павялічылася з 15 да 25, і гэта было самае вялікае за ўсю гісторыю пашырэньне саюза. Сёньня ў яго ўваходзяць 28 краін.

Далучэньню Польшчы да ЭЗ папярэднічаў рэфэрэндум, на якім больш за 77% палякаў прагаласавалі за ўступленьне ў саюз.

Прэзыдэнт Польшчы Анджэй Дуда ў спэцыяльным звароце да нацыі падкрэсьліў, што ўступленьне Польшчы ў ЭЗ было вынікам сувэрэннага рашэньня нацыі.

Сярод магчымасьцей, які адкрыліся перад Польшчай пасьля 1 траўня 2004 года, Анджэй Дуда адзначыў наступныя: «Адкрыцьцё граніц дало палякам новыя магчымасьці, многія польскія кампаніі дамагліся посьпеху ў Эўропе, а Польшча зьмянілася дзякуючы выкарыстаньню з карысьцю фондаў ЭЗ».

Прэзыдэнт дадаў, што месца Польшчы застаецца ў эўрапейскай супольнасьці: «Любы, хто спрабуе сёньня ўнесьці сумненьні ў сувязі з нашым знаходжаньнем у Эўразьвязе, дзейнічае на шкоду інтарэсам Польшчы. Наша мэта і задача — сучасная Польшча ў аб'яднанай Эўропе».

IAR/вк

Print
Copyright © Polskie Radio S.A Пра нас Кантакт