Logo Polskiego Radia
Print

У адпачынак палякі лётаюць у Грэцыю, на працу – у Вялікабрытанію

PR dla Zagranicy
Anna Zadrożna 21.03.2017 15:28
  • бальнічны.mp3
Гэткія высновы можна зрабіць на падставе дадзеных Упраўленьня грамадзянскай авіяцыі.
Photo: pixabay.com

Упраўленьне грамадзянскай авіяцыі прадставіла статыстычныя дадзеныя аб напрамках, якія найчасьцей выбіраюць палякі. Паводле іх, на адпачынак грамадзяне Польшчы найчасьцей лётаюць у Грэцыю, Гішпанію й Балгарыю. У Вялікабрытанію, Нямеччыну й Нарвэгію яны накіроўваюцца на працу й дзеля сустрэч зь сям’ёй.

Як кажа старшыня Ўпраўленьня грамадзянскай авіяцыі Пётр Самсан (Piotr Samson), асноўныя накірункі чартэрных рэйсаў зьмяніліся за апошнія некалькі гадоў. Раней на першым месцы рэйтынгу быў Эгіпет. Іншай краінай, якую палякі наведвалі вельмі ахвотна, быў Туніс. Аднак абедзьве гэтыя краіны пасьля хвалі тэрактаў страцілі сваю папулярнасьць, хоць Эгіпет надалей знаходзіцца ў топ-10.

Старшыня Ўпраўленьня грамадзянскай авіяцыі лічыць, што колькасьць пасажыраў, якіх абслугоўваюць польскія аэрапорты, будзе надалей расьці й да 2030 году дасягне 60 мільёнаў пасажыраў у год. У мінулым годзе аэрапорты ў Польшчы абслужылі 34 мільёны пасажыраў.

аз

Больш на гэтую ды іншыя тэмы рубрыкі „Пульс эканомікі” слухайце ў далучаным файле.

Print
Copyright © Polskie Radio S.A Пра нас Кантакт