БРСМ пікетуе супраць байкотаў
PR dla Zagranicy
Dzmitry Hurnievic
08.09.2012 14:00
Тэрыторыя, дзе праходзіць акцыя, абнесена металічнымі агароджамі. Удзельнікаў ахоўвае спэцназ.
У Магілёве на "Зорнай плошчы" перад кінатэатрам "Радзіма" 7 верасьня Беларускі рэспубліканскі саюз моладзі праводзіць рэспубліканскі маладзёжны марафон "Зрабі свой выбар", прымеркаваны да 10-годдзя стварэньня арганізацыі і выбараў у Палату прадстаўнікоў.
"Гэтым марафонам мы хочам сказаць, што моладзь зрабіла свой выбар на карысьць навукі, на карысьць маладзёжных ініцыятыў, на карысьць здаровага ладу жыцьця", - заявіў журналістам першы сакратар Магілёўскага абласнога камітэта БРСМ Дзьмітрый Варанюк.
Адказваючы на пытаньне, ці зьяўляецца акцыя БРСМ адказам на байкот выбараў, аб'яўлены часткай апазыцыі, лідар праўладнай маладзёжнай арганізацыі заявіў: "Можна сказаць і так, таму што самае галоўнае — быць актыўным".
Тэрыторыя, дзе праходзіць акцыя, абнесена металічнымі агароджамі. Усіх, хто на яе праходзіць, узмоцненыя нарады спецназа правяраюць металадэтэктарамі.