У Менску выдалі 300-тысячную польскую візу

Польскія консульствы ў Беларусі выдалі сёлета 300 тысяч віз. Атрымальніцай 300-тысячнай візы стала 34-гадовая жыхарка Менску, якая займаецца бізнэсам.

Натальля Шкулепа разам зь візаю атрымала букет ружаў. У сымбалічнай ўрачыстасьці ўручэньня 300-тысячнай візы ўдзельнічаў і кіраўнік консульскага аддзелу Пасольства Польшчы ў Менску Томаш Янік.

У інтэрвію Польскаму радыё дыплямат зазначыў, што гэты год будзе рэкордным па колькасьці выдадзеных візаў. Летась за ўвесь год польскія консульствы ў Беларусі выдалі 300 тысяч віз. Сёлата ж гэты паказьнік быў перакрочаны яшчэ ў лістападзе.

дг