Лукашэнка і Пуцін сустрэнуцца 30 чэрвеня ў Маскве

30 чэрвеня прэзыдэнты Расеі Ўладзімір Пуцін і Беларусі Аляксандар Лукашэнка правядуць у Маскве пасяджэньне Вышэйшага Дзяржаўнага Савета (ВДС) Саюзнай дзяржавы. Пра гэта паведамілі ў Крамлі.

На сустрэчы заплянавана падвядзеньне вынікаў гандлёва-эканамічнага супрацоўніцтва дзьвюх краін у 2016 годзе, абмеркаваньне пэрспэктыў узаемадзеяньня ў машынабудаўнічым і аграпрамысловым комплексах, забесьпячэньня бягучай дзейнасьці органаў Саюзнай дзяржавы.

Уладзімір Пуцін і Аляксандар Лукашэнка таксама асобна абмяркуюць ключавыя тэмы двухбаковых адносін і актуальныя міжнародныя праблемы.

telegraf.by/ав