Дырэктару службы таксі «Алмаз 7788» прадʼяўлена абвінавачваньне
PR dla Zagranicy
Jolanta Śmiałowska
17.07.2017 13:29
Малады бізнэсовец застаецца ў СІЗА за ўхіленьне ад выплаты падаткаў.
pixabay.com
Віктару Пузікаву прадʼяўлена абвінавачваньне ва ўхіленьні ад выплаты падаткаў шляхам утойваньня, наўмыснага заніжэньня падатковай базы і ўнясеньня загадзя ілжывых зьвестак у падатковыя дэклярацыі, што пацягнула прычыненьне шкоды ў асабліва буйным памеры. Кажучы простай мовай, гэта ўхіленьне ад выплаты падаткаў шляхам не адлюстраваньня ў бухуліку выручкі, якая паступала ад кіроўцаў наяўнымі. Пра гэта ў СМІ распавядалі і самі вадзіцелі.
Папярэдняя шкода бюджэту на дадзены момант складае каля 1,5 млн. беларускіх рублёў. У дачыненьні да Пузікава прымененая мера стрыманьня ў выглядзе заключэньня пад варту», – заявілі ў Сьледчым камітэце па Менску БелТА.
Прадстаўнік СК Юлія Ганчарова адзначыла на сваёй старонцы ў Фэйсбуку, што пра зьмяненьне меры стрыманьня для Пузікава цяпер гаворка не ідзе. «Без пакрыцця шкоды складана пра гэта казаць», – адзначыла яна.
Віктара Пузікава затрымалі 14 чэрвеня ў Менску.
У 2015 годзе Віктар Пузікаў заняў 25-е месца ў рэйтынгу самых пасьпяховых маладых беларускіх бізнэсмэнаў паводле парталу probusiness.by.
belsat.eu/яс