Logo Polskiego Radia
Print

У Беларусі рэзка ўзрасла колькасьць кляшчоў

PR dla Zagranicy
Valery Sauko 21.05.2018 18:49
На долю ўкусаў кляшчоў, адзначаных у гарадзкой рысе, даводзіцца толькі 10-11% усіх зарэгістраваных выпадкаў.
pixabay.com/Public Domain CC0

Паводле дадзеных Рэспубліканскага цэнтру гігіены, эпідэміялёгіі й грамадзкага здароўя, па выніках маніторынгу ў беларускіх лясах, праведзенага ў красавіку бягучага года, колькасьць кляшчоў узрасла ў 1,5 разы ў параўнаньні з аналягічным пэрыядам 2017 года. Гэтаму, як і раньняй актыўнасьці павукападобных, спрыяла высокая тэмпэратура паветра ў красавіку й траўні.

Паводле зьвестак мэдыкаў, з пачатку году па мэдыцынскую дапамогу з прычыны ўкусаў кляшчоў зьвярнуліся больш як 1,8 тыс. чалавек, што перавышае ўзровень зваротаў мінулага году.

Найбольшая колькасьць нападу кляшчоў адзначаецца ў лесе й сельскай мясцовасьці. На долю ўкусаў кляшчоў, адзначаных у гарадзкой рысе, даводзіцца толькі 10-11% усіх зарэгістраваных выпадкаў.

Штогод каля 40 тысяч чалавек зьвяртаюцца да мэдыкаў пасьля ўкусу кляшчоў – пераносчыкаў розныя захворваньняў, самымі небясьпечнымі зь якіх зьяўляюцца Лайм-барэліёз і клешчавы энцэфаліт. Штогод у краіне фіксуецца 1 тыс. і 100 выпадкаў гэтых захворваньняў адпаведна. Як адзначаюць спэцыялісты, гэта невысокі ўзровень, які супастаўны з краінамі Прыбалтыкі й Польшчай.

Аналіз захворваньня Лайм-барэліёзам у 2017 годзе паказвае, што ў пераважнай большасьці выпадкаў (больш за 97%) захворваньне разьвіваецца ў асоб, якія праігнаравалі хіміяпрафіляктыку пасьля ўкусу кляшчоў.

З пачатку 2018 году выпадкаў захворваньня на клешчавы энцэфаліт у краіне не зарэгістравана. Лайм-барэліёзам захварэлі 9 чалавек. Гэта на 30,8% ніжэй, чым за аналягічны пэрыяд 2017 году, калі было зарэгістравана 13 выпадкаў захворваньня хваробай Лайма.

naviny.by/вс

Print
Copyright © Polskie Radio S.A Пра нас Кантакт