Абвінавачаным у наркагандлю беларусам пагражае да 20 гадоў калёніі
PR dla Zagranicy
Jolanta Śmiałowska
27.05.2018 13:56
Год таму ў Мастоўскім раёне апэратыўнікі затрымалі аўтамабіль з жыхарамі Слуцка і Салігорска.
www.pixabay.com
У бліжэйшы час справа двух беларусаў, затрыманых падчас міжнароднай антынаркатычнай апэрацыі «Пірэнейскі залом», будзе накіравана для вывучэньня пракурору.
Гаворка ідзе пра перакрыцьцё каналу пастаўкі гашышу з Марока праз Эўропу ў Расею, у Маскоўскую вобласьць. Схема злачыннага бізнэсу была раскрытая праваахоўнымі органамі пяці краін, у тым ліку Беларусі.
Як паведамляе СТВ, адпраўной кропкай расьсьледаваньня стала Гарадзенская вобласьць. Год таму ў Мастоўскім раёне апэратыўнікі затрымалі аўтамабіль з жыхарамі Слуцка і Салігорска. Газавы балон яны перарабілі пад схованку. У ім апынулася 70 скруткаў з рэчывам. Гэта быў гашыш. Усяго было канфіскавана больш за 35 кг наркотыку на 700 тыс. даляраў.
Былі выяўлены іншыя ўдзельнікі міжнароднай злачыннай групы, у якую ўваходзілі грамадзяне Малдовы і іншых краін.
Абвінавачаным у наркагандлю беларусам пагражае ад 10 да 20 гадоў пазбаўленьня волі з канфіскацыяй маёмасьці.
naviny.by/яс