Logo Polskiego Radia
Print

Пачаў дзейнічаць бязьвізавы рэжым паміж Беларусьсю ды Кітаем

PR dla Zagranicy
Jury Lichtarowicz 10.08.2018 17:45
Сёньня ўступіла ў сілу пагадненьне пра бязьвізавы рэжым паміж Беларусьсю і Кітаем.
Foto: pixabay.com/domena publiczna

Цяпер беларусы могуць знаходзіцца ў Кітаі без візы да 30 дзён падчас адной паездкі, але не больш за 90 дзён цягам году. Такое ж правіла дзейнічае для кітайскіх грамадзян.

Калі чалавек захоча заставацца ў краіне больш за 30 дзён, альбо займацца вучэбнай, прафэсійнай дзейнасьцю, тады яму давядзецца атрымаць адмысловую візу.

Бязьвізавы рэжым датычыць прыватных паездак, бізнэс-камандзіровак, турыстычных вандровак.

Міжурадавае пагадненьне аб узаемным бязьвізавым рэжыме для ўладальнікаў звычайных пашпартоў было заключана 10 чэрвеня ў КНР.

З падпісаньнем дакумэнта Беларусь апынулася ў ліку нямногіх краін Эўропы, якія маюць бязьвізавы рэжым з Кітаем.

Паводле Белта/юл

Print
Copyright © Polskie Radio S.A Пра нас Кантакт