Лукашэнка: «Я адсочваю СМІ, заявы ў інтэрнэце»
PR dla Zagranicy
Viktar Korbut
17.08.2018 17:00
Прэзыдэнт Беларусі перакананы, што 90% водгукаў на яго дзейнасьць — пазытыўныя.
Аляксандр ЛукашэнкаФота: president.gov.by
Прэзыдэнт Беларусі Аляксандар Лукашэнка мае намер у бліжэйшы час адрэагаваць на шэраг заяў у СМІ і інтэрнэце.
"Я адсочваю СМІ, там асобныя ў інтэрнэце заявы і іншае... Я іх чую, я іх бачу, і я пастараюся ў бліжэйшы час на іх адрэагаваць", — сказаў кіраўнік дзяржавы. Ён папрасіў прэс-сакратара і прэс-службу разам з Адміністрацыяй Прэзыдэнта акумуляваць усе гэтыя заявы, як дробныя, так і вялікія, аб'яднаць па тэматыцы і прадставіць да канца 17 жніўня.
Лукашэнка, аднак, ужо цяпер перакананы, што 90% водгукаў на яго дзейнасьць — пазытыўныя.
Belta.by/вк