Лукашэнка разьлічвае на залагоджваньне спрэчак з Расеяй

У пятніцу ў Сочы адбыліся перамовы Аляксандра Лукашэнкі з прэзыдэнтам Расеі Уладзімірам Пуціным. Беларускі кіраўнік заявіў, што Менск дакладна выконвае свае дамоўленасьці, абавязацельствы. Ёсьць вельмі цікавыя выхады на вырашэньне многіх пытаньняў.

Аляксандр Лукашэнка падкрэсьліў, што калі бакі будуць рухацца ў гэтым напрамку, змогуць да канца года практычна ўсе пытаньні разьвязаць.

У першую чаргу гэта тычыцца сельскай гаспадарцы і нафтагазавай сфэры. Тут асаблівых праблем з вырашэньнем пытаньняў, беларускі кіраўнік не ўбачыў.

У сваю чаргу Уладзімір Пуцін адзначыў, што прычынай сустрэчы стала патрэба пабачыцца ў больш шырокім складзе, тым больш ва ўрадзе Беларусі адбыліся істотныя зьмены. Расейскаму кіраўніцтву спатрэбілася зьверыць гадзіньнікі па некаторых пытаньнях. Крамлёўскі ўладар таксама адзначыў сельскую гаспадаркі ды энэргетыку, як галіны, дзе трэба некаторыя кропкі над «і» расставіць.

Афіцыйны СМІ абедзьвюх дзяржаў паведамляюць з нагоды сустрэчы, што беларуска-расейскія адносіны знаходзяцца на высокім узроўні з міждзяржаўнага ўзаемадзеяньня.

Расея – асноўны гандлёвы партнэр Беларусі з таваразваротам 32,4 мільярды даляраў. З Расеі ў Беларусь паступае 38% замежных інвэстыцый.

Паводле Белта/юл