У Беларусі выкрылі двух шпіёнаў

На гэтым тыдні аб'явілі пэрсонамі нон грату двух замежных шпіёнаў. Яшчэ аднаго шпіёна затрымалі месяц таму.

Пра гэта ў пятніцу, адказваючы ў Палаце прадстаўнікоў на пытаньні карэспандэнтаў, распавёў старшыня КДБ Валерый Вакульчык. Ён не сказаў, грамадзянамі якой краіны яны зьяўляюцца.

«Пытаньні, зьвязаныя з шпіёнскай дзейнасьцю, яны зьвязаныя й са зьнешняй палітыкай, адносінамі паміж дзяржавамі... Такія рэчы звычайна ў СМІ не даюцца», – адзначыў Вакульчык.

Калі б інфармацыі пра затрыманьне за шпіянаж украінскага журналіста Паўла Шаройкі не было б з украінскага боку, пра гэта таксама б не паведамілі, дадаў Вакульчык.

euroradio.fm/эж