Logo Polskiego Radia
Print

Беларусы атрымаюць СМС з паведамленьнем пра запазычанасьць

PR dla Zagranicy
Jolanta Śmiałowska 14.11.2018 14:50
Упраўленьне прымусовага выкананьня такім чынам паведаміць даўжнікам аб завядзеньні выканаўчай вытворчасьці.
Zdjęcie ilutracyjneZdjęcie ilutracyjnepixabay.com/CC0 Creative Commons

Гаворка ідзе пра ўсе запазычанасьці, якія ўваходзяць у кампэтэнцыю ведамства – напрыклад, гэта нявыплата алімэнтаў і крэдытаў, фотафіксацыя ДАІ, адміністрацыйныя штрафы – у прыватнасьці, за безьбілетны праезд, расьпіцьцё сьпіртных напояў або пераход у неналежным месцы.

СМС будуць дасылаць пасьля таго, калі будзе распачата выканаўчая вытворчасьць у аддзеле прымусовага выкананьня.

Пакуль праходзяць дамоўленасьці з апэратарамі, але ў рамках закона такую рассылку ўжо можна зрабіць.

- Мы працуем з мабільнымі апэратарамі і ведаем, якія тэлефоны зарэгістраваныя на імя і прозьвішча даўжніка, – расказалі ў Мінюсьце.

Мяркуецца, што тэкст СМС-рассылкі будзе ўтрымліваць інфармацыю аб тым, што чалавек зараз даўжнік і ў дачыненьні да яго распачалі выканаўчую вытворчасьць. Таксама там будуць кантактныя дадзеныя судовага выканаўцы.

nn.by/tut.by/яс

Print
Copyright © Polskie Radio S.A Пра нас Кантакт