Беларусь увяла ліцэнзаваньне экспарту лесаматэрыялаў
Экспартэрам асобных відаў лесаматэрыялаў неабходна атрымліваць разавую ліцэнзію.
Урад увёў ліцэнзаваньне экспарту беларускіх лесаматэрыялаў з цьвёрдаліставых парод за межы мытнай тэрыторыі Эўразійскага эканамічнага саюза. Гэта прадугледжана пастановай Савета міністраў № 819 ад 14 лістапада.
Згодна з дакумэнтам, экспартэрам асобных відаў лесаматэрыялаў неабходна атрымліваць разавую ліцэнзію, якая выдаецца ў Міністэрстве антыманапольнага рэгуляваньня й гандлю па ўзгадненьні зь Беларускім вытворча-гандлёвым канцэрнам лясной, дрэваапрацоўчай і цэлюлёзна-папяровай прамысловасьці.
Канцэрн узгадняе заяву аб выдачы ліцэнзіі на экспарт лесаматэрыялаў цьвёрдаліставых парод пры наяўнасьці заключанага паміж ім і арганізацыяй пагадненьня аб умовах паставак лесаматэрыялаў цьвёрдаліставых парод.
Міністэрству замежных спраў ва ўстаноўленым парадку даручана паведаміць Эўразійскай эканамічнай камісіі аб прынятай меры, унесьці на яе разгляд прапанову аб прымяненьні іншымі дзяржавамі — членамі Эўразійскага эканамічнага саюза аналягічных мер, а таксама праінфармаваць Выканаўчы камітэт Садружнасьці Незалежных Дзяржаў аб прыняцьці гэтай пастановы.
Асноўныя пункты пастановы набудуць моц праз 10 дзён пасьля яе афіцыйнага апублікаваньня й будуць дзейнічаць на працягу шасьці месяцаў.
belapan.com/аз
Урад увёў ліцэнзаваньне экспарту беларускіх лесаматэрыялаў з цьвёрдаліставых парод за межы мытнай тэрыторыі Эўразійскага эканамічнага саюза. Гэта прадугледжана пастановай Савета міністраў № 819 ад 14 лістапада.
Згодна з дакумэнтам, экспартэрам асобных відаў лесаматэрыялаў неабходна атрымліваць разавую ліцэнзію, якая выдаецца ў Міністэрстве антыманапольнага рэгуляваньня й гандлю па ўзгадненьні зь Беларускім вытворча-гандлёвым канцэрнам лясной, дрэваапрацоўчай і цэлюлёзна-папяровай прамысловасьці.
Канцэрн узгадняе заяву аб выдачы ліцэнзіі на экспарт лесаматэрыялаў цьвёрдаліставых парод пры наяўнасьці заключанага паміж ім і арганізацыяй пагадненьня аб умовах паставак лесаматэрыялаў цьвёрдаліставых парод.
Міністэрству замежных спраў ва ўстаноўленым парадку даручана паведаміць Эўразійскай эканамічнай камісіі аб прынятай меры, унесьці на яе разгляд прапанову аб прымяненьні іншымі дзяржавамі — членамі Эўразійскага эканамічнага саюза аналягічных мер, а таксама праінфармаваць Выканаўчы камітэт Садружнасьці Незалежных Дзяржаў аб прыняцьці гэтай пастановы.
Асноўныя пункты пастановы набудуць моц праз 10 дзён пасьля яе афіцыйнага апублікаваньня й будуць дзейнічаць на працягу шасьці месяцаў.
belapan.com/аз