13 сьнежня ў Цэнтры гарадзкога жыцьця Гародні адбудзецца адкрыцьцё выставы «Лісты палітвязьняў: ад 1996 года да нашых дзён». На адкрыцьцё выставы ў горад над Нёманам прыедзе яе ўкладальніца, вядомая праваабаронца і літаратарка Паліна Сьцепаненка, а таксама адмысловы госьць – старшыня праваабарончага цэнтру «Вясна» Алесь Бяляцкі, былы палітвязень.
Экспазыцыя выставы ўключае ў сябе 11 стэндаў, на якіх разьмешчаныя лісты палітычных вязьняў з-за кратаў, лісты ў падтрымку палітвязьняў, а таксама матэрыялы бюллютэня праваабарончага цэнтру «Вясна» – «Права на Волю», а таксама архіўныя фотаздымкі.
Ліставаньне праз краты ўтрымлівае факты, падзеі, эмоцыі, мары і пажаданьні, нягледзячы на перашкоды турэмнай цэнзуры. З 1996 года, па зьвестках праваабарончых арганізацыяў, праз крымінальны перасьлед за палітычныя перакананьні ў Беларусі ў зьняволеньне трапілі больш за 200 чалавек.
Выстава «Лісты палітвязьняў: ад 1996 году да нашых дзён» падрыхтаваная «Цэнтрам дасьледваньняў грамадзянскай супольнасьці Беларусі».
13 сьнежня ў Цэнтры гарадзкога жыцьця Городні адбудзецца адкрыцьцё выставы «Лісты палітвязьняў: ад 1996 года да нашых дзён». На адкрыцьцё выставы ў горад над Нёманам прыедзе яе ўкладальніца, вядомая праваабаронца і літаратарка Паліна Сьцепаненка, а таксама адмысловы госьць – старшыня праваабарончага цэнтру «Вясна» Алесь Бяляцкі, былы палітвязень.
Экспазыцыя выставы ўключае ў сябе 11 стэндаў, на якіх разьмешчаныя лісты палітычных вязьняў з-за кратаў, лісты ў падтрымку палітвязьняў, а таксама матэрыялы бюллютэня праваабарончага цэнтру «Вясна» – «Права на Волю», а таксама архіўныя фотаздымкі.
Ліставаньне праз краты ўтрымлівае факты, падзеі, эмоцыі, мары і пажаданьні, нягледзячы на перашкоды турэмнай цэнзуры. З 1996 года, па зьвестках праваабарончых арганізацыяў, праз крымінальны перасьлед за палітычныя перакананьні ў Беларусі ў зьняволеньне трапілі больш за 200 чалавек.
Выстава «Лісты палітвязьняў: ад 1996 году да нашых дзён» падрыхтаваная «Цэнтрам дасьледваньняў грамадзянскай супольнасьці Беларусі».
Вясна/ав