Абаронца Курапатаў ня будзе плаціць штраф за крыжы
PR dla Zagranicy
Jolanta Śmiałowska
20.12.2018 13:12
Актывіст Партыі БНФ перамог у судзе «Менскаблдарбуд».
КурапатыФота: Wikimedia.org/Andrej Kuźniečyk/CC BY-SA 3.0
Цэнтральны раённы суд Менску задаволіў скаргу абаронцы Курапатаў Валера Рабцава на штраф, які яму выпісаў начальнік «Менскаблдарбуду» Ўладзімер Сьцяпанаў.
Актывіста аштрафавалі на 2 базавыя велічыні за тое, што ён паставіў крыжы ўздоўж дарогі ля Курапатаў.
Актывіст Партыі БНФ, менскі сьлесар Валер Рабцаў не пагадзіўся са штрафам і абскардзіў яго ў судзе. Судзьдзя Вікторыя Шабуня 20 сьнежня прыняла пастанову на карысьць актывіста.
«Нават наш суд не захацеў уносіць раскол у грамадзтва ў пытаньні права грамадзян ставіць крыжы ў Курапатах», — пракамэнтаваў Свабодзе вынік суду сам Валер Рабцаў.
svaboda.org/яс