Абвешчаны конкурс студэнцкіх прац пра Беларусь

Да 25 красавіка 2019 ідзе збор намінацыяў на прэмію Міжнароднага кангрэса дасьледчыкаў Беларусі за найлепшую студэнцкую працу, абароненую ў 2016/2017 і 2017/2018 па беларускай тэматыцы.

Задача прэміі – адзначыць дасягненьні беларускіх студэнтаў у сацыяльных і гуманітарных навуках, падтрымаць іх творчую і дасьледчую актыўнасьць, а таксама паспрыяць паляпшэньню якасьці студэнцкіх пісьмовых прац.

Арганізатары заклікаюць аўтараў, а таксама іх навуковых кіраўнікоў намінаваць найлепшыя студэнцкія працы і такім чынам паспрыяць вызначэньню лепшых студэнцкіх дасягненьняў у сацыяльных і гуманітарных навуках.

Вылучыць на прэмію можна любое дасьледаваньне, абароненае ў беларускай ВНУ, ці ў Эўрапейскім гуманітарным унівэрсытэце. Для гэтага трэба даслаць працу на адрас premija@palityka.org да 25 красавіка 2019.

Рашэньне пра наданьне прэміі будзе прымацца на аснове заключэньня экспэртных рад, якія складаюцца з беларускіх і замежных навукоўцаў.

Урачыстае наданьне прэміі адбудзецца 28 верасьня 2019 падчас VIII Міжнароднага кангрэса дасьледчыкаў Беларусі ў Вільні (Летува).

МКДБ/юл