Горадня: фэст „Хавайся ў бульбу!”(ФОТА)
PR dla Zagranicy
Anna Zadrożna
29.04.2012 10:58
Мэта фэстывалю - магчымасць для байкераў розных краін сустрэцца зь сябрамі.
У Горадні праходзіць VІІІ Міжнародны рок-байк-фэст „Хавайся ў бульбу!”, у якім прымаюць удзел байкеры амаль з усёй постсавецкай прасторы, а таксама з Польшчы й Нямеччыны.
Сёлета фэст „Хавайся ў бульбу!” адбываецца на турыстычнай базе „Хімік” у 35 кілямэтрах ад Горадні ля возера Белае. Але ў самім горадзе на Нёмане прайшоў парад байкераў з удзелам больш 400 матацыклаў.
У праграме фэсту прэзэнтацыя фотапраекту „Партрэт байкера” аўтарства Сяргея Марозава, боды-арт, атракцыёны для дзяцей і дарослых, конкурсы, зьвязаныя з матацыкламі, разьлічаныя як на саміх байкераў, так і наведвальнікаў фэсту.
Падчас фэсту ўвечары адбываюцца рокавыя канцэрты. Сярод выканаўцаў гурты Sciana, Rolliks, Klan, Drum Ecstasy, „Дай дорогу” ды іншыя. Галоўная мэта фэстывалю „Хавайся ў бульбу!” - магчымасць для байкераў розных краін сустрэцца зь сябрамі, разам правесьці вольны час.
Вацлаў Галімскі, Горадня
ФОТА: Вацлаў Галімскі