Дрэнны стан польскіх турагенцтваў
PR dla Zagranicy
Jolanta Śmiałowska
24.05.2012 12:09
Некаторыя польскія турыстычныя агенцтвы могуць ў гэтым годзе банкрутаваць.
Папярэджвае аб гэтым Інстытут турызму. Гэта вынік складанай эканамічнай сытуацыі й закону, паводле якога, больш выгадна аб'явіць банкруцтва, чым ліквідаваць фірму.
Сытуацыя ў турыстычнай галіне вельмі складаная. Зь сярэдзіны лютага расьце запазычанасьць турагенстваў, унесеных у Нацыянальны рэгістр запазычанасьці. У цяперашні час у рэгістры знаходзіцца 440 турыстычных агенцтваў.
Некалькі дзён таму ў Кракаве збанкрутавала Excalibur Tours. На адпачынку за мяжой была група кліентаў, якія былі вымушаны перапыніць паездку. Пракуратура падазрае ўладальніка агенцтва ў спробе вымагальніцтва грошай у турыстаў. За гэта яму пагражае да 8 гадоў пазбаўленьня волі.
яс