Палякі не давяраюць турапэратарам
PR dla Zagranicy
Karolina Rusinowicz
17.07.2012 14:48
Палякі адмаўляюцца ад паслугаў пасярэднікаў і самастойна ладзяць вакацыйны адпачынак.
Турысты губляюць давер да турапэратараў, інфармуе Польская турыстычная палата. Апошнімі днямі палякі масава адмаўляюцца ад забраніраваных турпаездак. Гэта выклікана апошнімі падзеямі на рынку турыстычных паслугаў: цягам двух тыдняў банкрутавалі тры польскія турапэратары.
Палякі адмаўляюцца ад паслугаў пасярэднікаў і самастойна ладзяць вакацыйны адпачынак. Тым, хто нягледзячы на дрэнную атмасфэру намерваецца набыць паездку, прадстаўнікі Польскай турыстычнай палаты раяць праверыць турапэратара. У прыватнасьці, не давяраць турыстычным фірмам, якія дзейнічаюць на рынку турыстычных паслугаў менш двух гадоў.
кр