У Познані сьвяткуюць 60 гадавіну пачатку пратэсту рабочых

Урачыстасьці распачаліся а 6 раніцы. Прадстаўнікі ўлад, прафсаюзаў, арганізацыі вэтэранаў і гарцэраў усклалі кветкі пад памятнай шыльдай на браме Чыгуначнага заводу. Менавіта там 60 гадоў таму распачаўся страйк працоўных, які пасьля пераўтварыўся ў 100-тысячную дэманстрацыю.

Лідар прафсаюзу «Салідарнасьць» Чыгуначнага заводу Анджэй Ясіньскі казаў, што 60 гадоў таму познаньцы сталі ў абарону асноўных каштоўнасьцяў. «Працаўнікі познаньскіх заводаў і жыхары гораду, стаміўшыся ад прыніжэньняў, паднялі голавы і ў вулічным пратэсьце распачалі змаганьне за свабоду, годную працу й павагу да законаў».

Цягам дня адбываецца шэраг мерапрыемстваў, якія ўшаноўваюць ахвяр чэрвеня 1956 году. Пасьля поўдня прайшлі мерапрыемствы з удзелам прэзыдэнтаў Польшчы й Вугоршчыны. Кульмінацыяй стане памятнае мерапрыемства на пляцы Міцкевіча. Там у чэрвені 1956 году сабраліся дзясяткі тысяч познаньцаў.

ав