Назва "польскія канцлягеры" абражае палякаў

Называньне «польскім канцлягерам» цэнтраў перасьледу палякаў камуністамі зьяўляецца такой жа абразай польскага народу, як ужываньне гэтага акрэсьленьня ў дачыненьні да нямецкіх лягераў сьмерці на тэрыторыі Польшчы – заяўляе арганізацыя «Reduta Dobrego Imienia», якая займаецца выпраўленьнем несапраўднай інфармацыі пра гісторыю Польшчы, асабліва падчас і пасьля Другой сусьветнай вайны.

Заява арганізацыі тычыцца кнігі Марка Лушчыны «Малое злачынства – польскія канцлягеры». У выданьні ідзе гаворка пра камуністычныя лягеры працы на тэрыторыі акупаванай саветамі Польшчы.

Паводле «Redutу Dobrego Imienia» назва «польскія канцлягеры» ў дачыненьні да месцаў перасьледу польскіх грамадзян камуністычным рэжымам зьяўляецца абразай. Таксама зазначаецца, што кніга паявілася ў моманце, калі грамадзтва мае дачыненьне са скандальнымі паводзінамі нямецкай тэлевізіі ZDF, якая не належным чынам перапрасіла вязьня Аўшвіц-Біркэнаў за выкарыстаньне назвы «польскі канцлягер».

ав