Польшча: паліцыю не перавядуць у стан павышанай гатоўнасьці

Тэракты, такія як адбыліся ў Барсэлёне, Камбрыльсе й Альканары, прымусяць польскія службы правапарадку ўзмацніць меры бясьпекі, але патрэбы пераводзіць іх у стан павышанай гатоўнасьці няма. Пра гэта заявіў міністар унутраных справаў Польшчы Марыюш Блашчак (Mariusz Błaszczak) на нарадзе, прысьвечанай падзеям у Гішпаніі.

Паліцыя і памежныя службы атрымалі загад павялічыць колькасьць патрулёў. Будзе ўзмоцненая ўвага да чыгуначных вакзалаў, аэрапортаў, турыстычных месцаў, гандлёвых цэнтраў. Паліцыя просіць грамадзянаў зьвяртаць увагі на торбы, пакінутыя без нагляду. Людзей просяць паведамляць пра кожную сытуацыю, якая выклікае непакой.

PAP/ап