Польскі ўрад пашырае сьпіс стратэгічна важных прадпрыемстваў
PR dla Zagranicy
Jolanta Śmiałowska
21.11.2017 15:29
У сьпісе - найбуйнейшыя ў краіне працадаўцы - Польская пошта й Польская дзяржаўная чыгунка.
Zdjęcie ilustracyjneMateriały prasowe Poczty Polskiej
Польскі ўрад мяняе правілы аб кіраваньні дзяржаўнымі прадпрыемствамі. У сьпіс ключавых для дзяржавы кампаній, якія нельга прадаваць, будуць унесеныя новыя фірмы.
У спэцыяльным сьпісе знаходзяцца буйныя й значныя для дзяржавы прадпрыемствы. Гаворка ідзе пра энэргетычныя фірмы, біржу, банкі й паліўныя кампаніі. Сярод іх таксама медны гігант – кампанія KGHM. У сьпіс таксама трапяць найбуйнейшыя ў краіне працадаўцы - Польская пошта й Польская дзяржаўная чыгунка PKP. На продаж акцый у гэтых фірмах будзе патрэбны дазвол ураду. Паводле новых правілаў, можна будзе павышаць заробак членам управы, аднак дадзены чалавек можа засядаць ва ўправе толькі аднаго дзяржаўнага прадпрыемства.
яс