Тры пасажыры загінулі ў аварыі ўкраінскага аўтобуса

У выніку аварыі загінулі 3 асобы, 18 чалавек параненыя, у тым ліку дзевяць сур'ёзна. Аварыя адбылася на дарозе № 28 паміж Перемышлем і Санокам. Украінскі аўтобус, у якім ехалі 54 асобы, на крутым павароце выехаў з паласы руху і скаціўся з высокага травяністага схілу, куляючыся некалькі разоў.

Расьсьледаваньне выпадку будзе весьці раённая пракуратура ў Пярэмышлі. Цяпер сьледчыя зьбіраюць сьляды і доказы злачынства на месцы трагедыі.

Як паведаміла пракуратура, папярэдняй прычынай здарэньня называецца значнае перавышэньне кіроўцам дапушчальнай хуткасьці ў гэтым месцы.

Як паведамілі ратаўнікі, у мясцовай школе арганізаваны пункт дапамогі ахвярам. Там знаходзяцца больш за 20 людзей. Частка параненых былі дастаўлены ў бальніцы ў Пярэмышлі і Саноку.

Паліцыя вядзе пошук дзяўчынкі, якая, верагодна, у шоку сышла з месца здарэньня.

ПР/юл