Дзякуючы Праграме 500+ польскія сем’і атрымалі амаль 15 мільярдаў эўра

Менш чым за тры гады працы ўрадавай праграмы 500+ польскія семі атрымалі дапамогі на агульную суму 60 мільярдаў злотых (крыху меней за 15 мільярдаў эўра), пра гэта паведаміў намесьнік міністра сям’і, працы й сацыяльнай палітыкі Станіслаў Швед.

Таксама ўрадавая Праграма 500+ паспрыяла павелічэньню паказьніка нараджальнасьці ў Польшчы, ён вырас з 1,26 да 1,47.

Палітык нагадаў, што ўрадам Польшчы таксама была прынятая Праграма Сыньёр+, якая разьлічана на падтрымку сацыяльнай актыўнасьці старэйшага пакаленьня. Агулам органы мясцовага самакіраваньня атрымаюць на рэалізацыю праграмы Сыньёр+ каля 20 мільёнаў эўра.

PAP/эж