Шарэпка сустрэўся з прэзыдэнтам
PR dla Zagranicy
Anna Zadrożna
01.03.2012 12:16
Aмбасадар тлумачыў журналістам розьніцу паміж выдаленьнем і выездам для кансультацыяў.
Сёньня прэзыдэнт Браніслаў Камароўскі сустрэўся зь Лешакам Шарэпкам - польскім амбасадарам, якогa надоечы беларускае МЗС заклікала пакінуць тэрыторыю Беларусі.
Размова ў Прэзыдэнцкім палацы працягвалася каля 45 хвілінаў. У сустрэчы ўдзельнічаў таксама міністар Канцылярыі прэзыдэнта Яраслаў Сакалоўскі.
Пасьля заканчэньня сустрэчы амбасадар Шарэпка тлумачыў журналістам, што яго ня выдалілі зь Беларусі, а проста заклікалі накіравацца ў Варшаву на кансультацыі.
Лешак Шарэпка: Гэта зусім іншы ўзровень дыпляматычных адносінаў. Я думаю, што згаданыя кансультацыі ня будуць доўга працягвацца ды я вярнуся ў Беларусь разам зь іншымі амбасадарамі краінаў ЭЗ. Я хачу нагадаць, што заўтра мы будзем адзначаць 20-годзьдзе наладжаньня польска-беларускіх дыпляматычных адносінаў. Я спадзяюся, што наступныя 20 гадоў будуць намнога лепшым пэрыядам.
Нагадваем, у апошні аўторак беларускае МЗС заклікала амбасадараў Польшчы й ЭЗ у Менску пакінуць тэрыторыю Беларусі для кансультацый. Гэта быў адказ беларускага боку на пашырэньне санкцыяў ЭЗ у дачыненьні да рэжыму ў Менску.
Эўразьвяз адрэагаваў на згаданы крок адкліканьнем на кансультацыі ўсіх сваіх амбасадараў у Беларусі.
аз