Чорная сьцяна ў памяць Смаленска’2010

Вядомыя вынікі конкурсу на смаленскі помнік. Міжнароднае журы выбрала праект групы Анджэй Салыга, Дарыюш Сьмяхоўскі, Дарыюш Каморэк.

У абгрунтаваньні журы напісала, што манумэнт ушаноўвае месца авіякатастрофы.

Журы, у склад якога ўваходзілі архітэктары й мастакі з Польшчы, Нямеччыны й Расеі, засядала апошнія 5 дзён. Абгрунтоўваючы рашэньне, архітэктар прафэсар Марэк Будзыньскі патлумачыў, што частка помніка – гэта чорная сьцяна са шматлікімі шчылінамі да вышыні двух мэтраў. На сьцяне зьмешчаны прозьвішчы ахвяр. У помнік уключаны таксама сымбалічны камень, які паставілі адразу пасьля катастрофы, і бяроза, у якую ўрэзаўся самалёт.

Помнік будзе гатовы праз год. Праект сфінансуе польскі ўрад.

яс