Нямеччына прыме сотні бежанцаў зь Італіі

Нямеччына пагадзілася прыняць сотні бежанцаў, якім прыйшлося затрымацца ў Італіі. Гэта было вырашана падчас сустрэчы міністраў унутраных спраў дзьвюх краінаў.

У інтэрвію тэлебачаньню „Repubblica” італьянскі міністар Анджэліна Альфана нагадаў, што яшчэ ў мінулым годзе, Эўрапейская камісія распрацавала плян перасяленьня зь Італіі каля 40 тысяч бежанцаў.

Аднак плян ня даў спадзяваных вынікаў. У іншыя краіны ЭЗ былі накіраваныя толькі некалькі сотняў імігрантаў. Цяпер, паводле міністра, сытуацыя можа зьмяніцца, паколькі зь верасьня зь Італіі бежанцаў будуць рэгулярна перанакіроўваць у Нямеччыну.

Улады ў Бэрліне пагадзіліся прыняць сотні імігрантаў. Альфана спадзяецца, што паводзіны немцаў мабілізуюць да аналягічных дзеяньняў таксама іншыя краіны ЭЗ, тым больш, што немцы ўжо прынялі больш за адзін мільён бежанцаў.

аз