Нармандзкая чацьвёрка сустрэнецца падчас саміту ў Кітаі
PR dla Zagranicy
Anna Zadrożna
25.08.2016 10:37
Саміт дваццаці найбагацейшых краінаў сьвету пройдзе ў Кітаі 4-5 верасьня.
flickr.com
Прэзыдэнт Расеі Ўладзімір Пуцін, канцлерка Нямеччыны Ангела Мэркель і прэзыдэнт Францыі Франсуа Алянд сустрэнуцца пры нагодзе саміту „Групы дваццаці” ў Кітаі. Пра гэта паведаміла прэс-служба Крамля.
Саміт 20 найбагацейшых краінаў сьвету(G20) пройдзе ў Кітаі 4-5 верасьня.
На пачатку жніўня кіраўнік МЗС РФ Сяргей Лаўроў заявіў, што Ўкраіна прапанавала падчас саміту ў Кітаі правесьці сустрэчу лідараў „нармандзкай чацьвёркі”.
Перагаворы па ўрэгуляваньні сытуацыі ў Данбасе ў гэтым фармаце праводзяцца з чэрвеня 2014 году. Да гэтай пары адбылося некалькі сустрэч на вышэйшым і міністэрскім узроўнях.
аз